Bab IX. 1958-67: Menterjemahkon Bibel (PL)

Penugasan ampa Persiapan Penterjemahan Bibel Bahasa Simalungun

Bani Sinode BoIon HKBPS tahun 1957, iputuskon ma ase tahun 1958 ipungkah ma horja manterjemahkon Bibel (PL) bahasa Simalungun. Domu hujin ibahen Wakil Ephorus ampa Sekretaris Jenderal HKBPS ma surat penugasan hubangku. Rup pakon surat in lanjar iondoskon ma homa piga-piga rim hortas gadung panuratan ni na dob iterjemahkon pakon sada Bibel Bahasa Indonesia. Anggo Bibel Bahasa Ibrani, Bibel bahasa Inggris 4 versi, Bibel bahasa Jerman domma huboan hinan hun Jerman. Anjaha Bibel bahasa Toba selaku Pandita domma dong hinan bagianku.

Songon na dob isinggung bani bagian sebelumni, dob pindah hanami hun Merek Raya, manewa rumah do hanami i Jl. Nias. Humbani Agustus 1955-1957 ijai ma hanami marianan. Tapi domu hubani tugas na sihol horjahononku, huahab lang mungkin tarhorjahon ahu in anggo lang bani ianan na tenang. Halani ai anggo ijon do hanami pasti do targanggu ahu. Domu hujin, halani adong hinan do partapakannami i Jl. Bali, bani partongahan tahun 1957 na usahahon ma mambangun rumah ijin. Janah halani domma iputuskon pungkahon ma horja in bani tahun 1958, bani bulan Desember tahun 1957 pindah ma hanami hu rumah in.

Panorang ai, lungun tumang ope ianan on. Jl. Sisingamangaraja sonari, etek anjaha baru ibuka ope. Sekitarni bueinan harangan. Jl. Bintang Maratur lape dong rumahni, janah parjumaan ni par Jl. Bali ope panorang ai. Hansa anggo Komplek Kantor Kehutanan Jl Bali – Jl Sisingamangaraja domma jongjong anjaha ijai sidea markantor. Halani ai anggo na margoran transportasi hu kota, mahol janah jarang tumang ope panorang ai. Hansa mardingat horja on, ai ma ase hupilih ijon marianan.

Ualuh Jam Tiap Ari Mambasa Bibel Marbagei Bahasa ampa Manulis

Sadalan hubani penugasan na ipadas hubangku, bani bonani tahun 1958 saud ma na pungkah horja in. Bani sada kamar na dob hupersiapkon secara khusus, na lang bebas imasuki atap ise pe, ijai ma hupasirsir:

  • Sada meja na agak banggal, siat untuk piga-piga Bibel na buka sekaligus, ampa buku-buku komentar domu hubani buku na sedang iterjemahkon.
  • Ilambung ni ai sada rak buku na banggal ianan ni buei bukungku.
  • Dohor humbani meja ai, ianan/gantungan ni lampu pompa/gas (petromaks). Pitah i kota ope adong lampu listrik panorang ai. Anjaha ronsi siap huterjemahkon/hutuliskon haganup Bibel (PL), lape dong masuk lampu Listrik hu rumah on.
  • I darat (kama bolag) dohor kamar on, sada organ (poti mandoding). Ijai ma ahu girah sogod (30 minit) mandoding. Atap anggo loja mambasa, menterjemahkon ampa manurat, mandoding ma au sambil istirahat.

Ibagas saminggu, marhorja ma ahu 5 ari penuh aima humbani ari Senen das hubani Jumat, rata-rata 8 jam sadani. Aima:

  • Pukul 05.00 s/d pukul 10.00. Satongah jam paima ai (pukul 04.30 — 05.00) mandoding/marorgan anjaha martonggo ma ahu sambil mandisiplinkon niombah.
  • Pukul 10.00-16.00, istirahat. Ijai ma hubagi panorangku: hu rumah sakit, olah raga i alaman atap hu juma, pnl.
  • Pukul 16.00-pukul 22.00 hubagi ma panorangku use, ase boi ahu marhorja 3 jam nari: Bibelsudi, pnl.

Paima jumpah panorang koreksi, sonin ma horjangku tiap ari. Sadokah 5 tahun rata-rata 8 jam hundul, mambasa, marpingkir, manulis. Anggo dong na mahol tumang lang be tarpingkiri, laho ma ahu hu darat mambuat inspirasi, atap marpoti-mandoding (marorgan).

Dob horja koreksi, lobih ma use 8 jam sadari. Halani humbani pukul 08.00-13.00 koreksi ma i JI. Simanuk-manuk i rumah ni …… Dob ai menterjemah use.

Sambil padingin utok-utok, hubahen ma kegiatan Bibeistudi tiap ari Senen bodari, i rumah ni St. Belman Sumbayak i Jl. Patuananggi. Mamungkah tahun 1960, tiap bodari Rabu i rumah. Ijai boi ma huahap lunggar padaratkon sorangku. Anggo sanggah menterjemah, pitah ahu sandiri do lalab marsahapi pakon buku-buku in.

>> Penterjemahan Padan Na Basaia (PL)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s